O título do festival, Viladomar, é unha referencia directa ao escritor rianxeiro Manuel Antonio. Viladomar é o nome do seu último poemario (1922), e apela a unha vila do seu imaxinario, unha vila mariñeira. Nesta obra de só cinco poemas trata o absoluto do mar, e do tempo. O eu lírico xa non navega, senón que se atopa na vila mariñeira, contempla o mar desde a terra.

E o subtítulo deste festival é “máis alá dos muros”, que deriva do Manifesto “Máis alá!”, autoría de Manuel Antonio e Álvaro do Cebreiro (1922). O seu obxectivo era renovar a literatura da época, que desde o seu punto de vista quedara ancorada no pasado. Tamén pretendía a creación dun novo movemento político, literario e artístico. Trátase de textos de aparencia urxente estruturados a partir dun discurso agresivo, rebelde e rompedor. Así, este subtítulo ven da idea de romper a idea de espacio público diáfano, pois o espacio público é un sitio de encontro tamén, e através do mural danse situacións de que un veciño fala co outro, ou se opina sobre unha cousa. Tamén se apela á reapropiación de espacios en desuso. Trátase de romper eses muros, imaxinarios ou non, e transformar o espazo visual público de Rianxo.

Ata o día de hoxe participaron grandes artistas muralistas tanto a nivel galego como a nivel internacional, entre eles podese destacar, Mondevane, Tweentuizen, NoveNoel,
Lidia Cao, Paola Delfín…