Crea un escenario na rúa Fachan con forte cromática meteorolóxica. No centro da composición flota unha figura sentada ca atención pegada nese outro lugar ficticio no que nos mergullamos todos os días. Os murais sérvennos como ventá a outras realidades; algúns fannos rememorar algo bo, outros algo malo, outros simplemente nos agradan e outros, obviamente, desagrádannos. Pra gustos, cores. Pero si hai algo xenial ao observar un mural é cando nos invita a reflexionar, algo que o artista logra maxistralmente.

Con esta obra voltamos á antigüidade clásica cunha versión moderna do deus grego Poseidón (Neptuno para os romanos), continuando coa a serie de reinterpretacións de deidades grecorromanas que podedes atopar nas redes de Mon Devane. Nel, retrata a Javier Olleros do restaurante Culler de pau, como o deus dos mares e personaxe central da obra, xogando coa composición e as texturas dende o hiperrealismo da figura humana ata a delicadeza vitrificada do barco e do tentáculo do polbo.

Paola aterra en Rianxo para mesturar e a crear "in situ" unha narrativa propia. Os límites físicos e temporais son empuxados en cada pincelada para transformar unha mole de cinco pisos nunha historia que nos mira coma aquela vaca que fitaba a Castelao.

Paola aterra en Rianxo para mesturar e a crear "in situ" unha narrativa propia. Os límites físicos e temporais son empuxados en cada pincelada para transformar unha mole de cinco pisos nunha historia que nos mira coma aquela vaca que fitaba a Castelao.