Nacida na parroquia de Taragoña, Julia Gil leva consigo a través do seu apelido e da súa pincelada un legado artístico que a fixo conectarse co mundo artístico dende moi pequena. A través de Raúl Gil, o seu pai, aprendeu, coma moitas outras persoas na contorna, a 15 técnica e a paixón polas formas e a cor, e Julia, interesándose polos mundos fantásticos e os entornos oníricos dos videoxogos, experimenta con múltiples técnicas e mistura cores coa precisión dunha programadora.

É unha prolífica artista. Ela pintaba nas rúas, sen ningunha intención máis que pasalo ben cos amigos os fines de semana, e pouco a pouco foron aparecendo proxectos máis ambiciosos. Agora mesmo traballa como ilustradora de proxectos editoriais, e por outro lado ten unha produción propia artística de obras máis expositivas e proxectos persoais, como son unhas caixas de luz
con escenografías que realiza para diferentes proxectos expositivos.