Nacida na parroquia de Taragoña, Julia Gil leva consigo a través do seu apelido e da súa pincelada un legado artístico que a fixo conectarse co mundo artístico dende moi pequena. A través de Raúl Gil, o seu pai, aprendeu, coma moitas outras persoas na contorna, a 15 técnica e a paixón polas formas e a cor, e Julia, interesándose polos mundos fantásticos e os entornos oníricos dos videoxogos, experimenta con múltiples técnicas e mistura cores coa precisión dunha programadora.

A escena do muralismo e do arte público galego está viva e en crecemento con artistas profesionalizadas que cada vez contan con máis recoñecemento, tanto dentro como fóra das nosas fronteiras. Un claro exemplo disto é LIDIA CAO. A súa afección polo debuxo espertou nela dende moi nova o que a levou a estudar Ilustración na EASD Pablo Picasso, mais o seu desenrolo artístico foi maioritariamente autodidacta. Esta ilustradora de traxectoria meteórica leva dende 2016 na liña muralista e súa obra mural que está repartida por media Europa, posúe un estilo sintético cargado de contido emocional e con inspiración na figura humana, especialmente na muller, aínda que tamén desfruta debuxando temas da natureza.

Dende 2012 está en activo como acuarelista, ilustrador e deseñador gráfico e xa ten participado nalgúns murais tanto en Galicia coma no extranxeiro. Nado en Rois pero afincado hai anos en Rianxo, as súas pinturas mesturan os temas mariños e terrestres con reivindicación social e unha tradición musical con especial atención ao xesto e ao retrato humano.

A cabalo de mar entre Guadalajara (Mex) e Burgos, estes dous artistas levan máis de 10 anos traballando xuntos e participando activamente en eventos de arte urbana polo mundo. A súa obra é recoñecida a nivel internacional e está repleta de técnicas e formatos diversos. Traen os ventos frescos do outro lado do océano, e con eles unha obra cargada de simboloxía naturalista e enerxía ancestral que impacta e emociona a partes iguais.

Maz é un artista con formación en Belas Artes que actualmente reside en Sober. Mantense baixo anonimato por combinar a práctica alegal e a realización de pezas con permiso, así que é moi pouco o que sabemos del. Podemos “rastrexar” os seus movementos pola localización das súas obras, numerosas en Galicia, en cidades como Vigo e Santiago, en pequenas localidades ou no medio do monte. Pero tamén pintou en grandes cidades como Madrid, Atenas ou Marrakech. A súa linguaxe visual é moi amplo: personaxes e paisaxes fantásticos que conforman un imaxinario persoal, composicións en viñetas marcadas polo mundo do cómic,

Pintor e muralista galego cuxa obra destaca por un estilo realista con toques surrealistas e unha forte influencia fotográfica. O seu enfoque artístico combina a arte urbana co retrato tradicional, dando como resultado imaxes impactantes que renden homenaxe á identidade e a cultura galega. Desde mozo mostrou interese pola arte e comezou no mundo do grafiti aos 14 anos. Co tempo, perfeccionou a súa técnica e decidiu estudar Belas Artes, consolidando así a súa formación no ámbito pictórico. Aínda que traballou en distintos formatos, a súa especialidade son os murais de gran formato, os cales levaron a súa obra a rúas e edificios de múltiples cidades. Un dos seus proxectos máis emblemáticos é Fenómenos do rural, unha serie iniciada en 2012 na que retrata a mulleres maiores de zonas rurais galegas como auténticas superheroínas. Estas obras, que combinan humor, tenrura e realismo máxico, buscan resaltar a importancia das mulleres na vida rural, reivindicando o seu esforzo e fortaleza nunha sociedade que moitas veces as invisibiliza.

Santiago de Compostela, 1983. Licenciada en Economía en Compostela e en Antropoloxía Social en Granada. Nesta cidade no 2008 cursa o Ciclo Superior de Ilustración e con esa decisión comeza o camiño que agora continúa na pintura. Compaxina outros traballos co de ilustradora, ata que no 2013 crea (xunto a Raquel Doallo e Miguel Peralta) a cooperativa Cestola s. coop. galega, onde segue a traballar. En Cestola adícanse á pintura, á ilustración e o muralismo. Realizan serigrafías sobre téxtil e papel, cadros, encargos de ilustración (carteis, libros/contos…) e murais.

Perrucas Pilas Bubbles naceu en Vigo (1980), Galicia. En 2005, estudou Belas Artes na Universidade de Pontevedra onde se especializou en escultura e instalación. É un artista que ha internacionalizado o seu imaxinario persoal a través dos seus diversos traballos de arte urbana, instalacións, cerámica e pintura. Recoñecido no mundo da arte urbano desde os 2000, apropiouse da cor e a sátira para encher cos seus murais varias cidades de Europa e América como Madrid, Hamburgo, Berlín, CDMX ou Roma, entre moitas outras. Nos últimos anos, acabou transladando o seu imaxinario á produción cerámica, colaborando e investigando en procesos de cerámicos con Emilia Guimeráns. O seu estilo inconfundible, cheo dun gran manexo pictórico, crea un imaxinario onde o mundo se deconstruye colorido nun mar de pulsacións a base de distintos personaxes ou obxectos caracterizados co seu sentido de humor sarcástico e absurdo.

Gándara (O Porriño, 1988) é unha artista plástica graduada en Belas Artes pola Universidade de Vigo, cun posgrao de Creación Sonora na Universidade de Barcelona e un mestrado de Profesorado en Educación Secundaria na especialidade de Artes e Debuxo. Gañou premios como o o “Novos talentos luso-galaicos” na “IX Bienal de Pintura Premio Eixo Atlántico” ou o “IX Concurso de Intervencións Artísticas nas Torres Hejduk" da Cidade da Cultura de Galicia. Leva anos adicándose profesionalmente á pintura, participando en exposicións individuais e colectivas por toda a península.
Esta vai ser a primeira vez que leve a súa obra a unha parede en exterior.

Mon Devane, artista ourensano de referencia no muralismo contemporáneo, deixa a súa pegada en Rianxo cunha serie de intervencións urbanas de forte carga simbólica e técnica hiperrealista. A través dos seus murais, rende homenaxe a figuras da cultura, xente anónima e elementos identitarios do territorio, combinando memoria, emoción e reflexión social. Un percorrido visual que transforma o espazo público en contedor de arte e mensaxe.